Danke säge..
08.12.2024 14:00
...söusch im Läbe, so wies d Mueter mir het gseit.
S'choschtet nüt das Wörtli d'säge.
Wie nes Blüemli macht äs Freud.
S'macht ou offe ds Härz und wiit.
Drum danke mir euch liebi Lüt.
Mit dr 3. Strophe vom Lied "Danke säge" vom Sepp und Tobias Herger bedanke mir üs ganz härzlich bi euch liebe Lüt für eui Ungerstützig ds ganze Jahr düre.
Mir wünsche euch e besinnlechi Adväntszit, schöni Feschttage und für ds 2025 viu Gsundheit, agnähmi Stunde mit liebe Lüt und aues Guete.
Eui Wiueler-Jodler